Аиааира 30 шықәса ахыҵра иазкны, Ешыратәи абжьаратә ашкол аҵаҩцәа Ешыратәи аибашьцәа рмузеи аҟны имҩаԥыргеит инарҭбаау аныҳәатә усмҩаԥгатә.

 

Ахәылԥаз ахь дааԥхьан аибашьҩы, Аԥсны Афырхаҵа Харитон Папба, ажәахә ала дықәгылеит аибашьраан медиаҳәшьас ҳаибашьцәа ирывагылаз Ирма Шәқьериа, лашәақәа рыла дықәгылеит ашәаҳәаҩ Аида Маланӡиа. Анаҩс аҵаҩцәа ашәҭ шьыҵәрақәа шьҭарҵеит В. Г. Арӡынба иҳаҭгәын аҟны. Анаҩс, Ешыратәи аладатәи ацҳа аҟнытә аҵаҩцәеи арҵаҩцәеи шьапыла ианысит аибашьраан ҳфырхацәа знысыз аибашьратә мҩа, ихдыркәшеит аҩадатәи ацҳаҿы