29 ШЫҚӘСА РАҦХЬА ИАЛАГЕИТ АҦСНЫ АЏЬЫНЏЬТӘЫЛАТӘИ ЕИБАШЬРА

By   14.08.2021

Нанҳәа 14 – Аԥсны жәлар Рџьынџьтәылатә еибашьраҟны иҭахаз ргәалашәара амш!

29 шықәса раҧхьа, нанҳәамза 14, 1992 шықәса рзы, Аҧсны иалалеит Қырҭтәыла аҳәынҭсовет аруаа. 413 мшы имҩаҧысуаз Аҧсны аџьынџьтәылатәи еибашьра алагеит. 

Аҽныҵәҟьа Аԥсны Иреиҳаӡоу Асовет ахантәаҩы Владислав Арӡынба хацәнымырха аҕа иҿагылара азы иҟаиҵаз ааҧхьара, ҳара анаҩс иаагаз Аиааира иахыҵхырҭаны иҟалеит.

Аԥсны имҩаԥысуаз Аџьынџьтәылатә еибашьра ҳтәыла ааха ӷәӷәа анаҭеит. Аԥсуаа рганахьала иҭахеит ԥшьнызқьҩык рҟынӡа

ауааԥсыра, урҭ рхыԥхьаӡараҿы иҟоуп аҭынч уааԥсыра, абыргцәа, аҳәса, ахәыҷқәа. Аԥсны иаанымхеит аибашьраҿы зыуа-зҭынха дҭамхаз ҭаацәарак. Шәҩыла ауааԥсыра иахьа уажәраанӡа хабарда ибжьаӡны иҟоуп.

Иара убас, аибашьраан ирбган аҧсуа жәлар рҭоурыхтә-культуратә баҟақәа, иблын хәы змаӡам адокументқәа, ашәҟәқәа.

Ари Амш – ҳаамҭазтәи Аҧсны аҭоурых адаҟьақәа зегь реиҳа илахьеиқәҵагоу мшны ирнылеит.

Хашҭра рықәым Аҧсны еиқәзырхаз аҵеицәеи аҭыҧҳацәеи!

Добавить комментарий

Ваш e-mail не будет опубликован. Обязательные поля помечены *