НАНҲӘАМЗА 15 АҦСНЫ ХАТӘГӘАҦХАРАЛА ЕИБАШЬУАЗ РЫМШ АЗГӘАРҬОИТ

By   15.08.2021

Нанҳәа 15, 1992 ш. рзы, Аҧсны Аџьынџьтәылатә еибашьра аҩбатәи амш аҽны Аҧсныҟа Нхыҵ Кавказнтәи иааит раҧхьтәи аибашьцәа.Кавказ жәлар рконфедерациеи Ачеркестә ассоциациеи, аибашьра иалагылоу Аҧсны ацхыраара аҭатәуп ҳәа ааҧхьара ҟарҵеит. Убри аҽныҵәҟа аконфедерациа ахыхьчаразы аилак аиҳабы Сулҭан Сосналиев гәыҧҩык иманы аҧсуа-аурыс ҳәааҿы игылахьаз ақырҭуа ир рхаҭарнакцәа дрылсны Гәдоуҭаҟа дааит, ахыхьчаразы аштабгьы дахагылеит.

Ҳажәлар ахаан ирхашҭраны иҟаӡам Аҧсны еиҳа ашәарҭара ианҭагылаз ацхыраара иааз арҧарцәа рфырхаҵара, ргәымшәара!

Хатәгәаԥхарала иааз рыдгылара иабзоураны аҕа иаанкылара алыршахеит, Аҧсны ахақәиҭреи ахьыҧшымреи рырхынҳәра, аиаша аиҭашьақәыргылараза ицхыраагӡа духеит.

Аҧсны Аџьынџьтәылатә еибашьра иалхәын ҩ-нызқьҩык иреиҳаны хатәгәаҧхарала Нхыҵ Квказнтәи, Урыстәыла егьырҭ арегионқәеи рҟынтәи иааз аибашьцәа. Урҭ рахьынтә Аҧсны ахьыҧшымра рхы ақәырҵеит 250-ҩы инареиҳаны.

Аҧсны Афырхаҵа ҳәа ахьӡ рыхҵоуп 51- ҩык, 300 — ҩык рҟынӡа Леон иорден ранашьоуп, 700 — ҩык рҟынӡа — «Агәымшәаразы» амедал».

Добавить комментарий

Ваш e-mail не будет опубликован. Обязательные поля помечены *