НАНҲӘА 26 — АԥСНЫ АХЬЫԥШЫМРА ЖӘЛАРБЖЬАРАТӘИ АЗХАҴАРА АМШ !

By   26.08.2021
Аҟәа араион Ахадареи, араион Еизара алахәылацәеи рыхьӡала, Аҧсны жәлар гәыкала ишәыдысныҳәалоит иреиҳаӡоу аҳәынҭқарратә ныҳәақәа ируаку — Аҧсны ахьыԥшымра азхаҵара амш!
Нанҳәа 26 рзы Урыстәылатәи Афедерациа анапхгара аӡбамҭа иабзоураны, ҳажәлар ршьала икәабоу ахьыҧшымра аофициалла азхаҵара алыршахеит. Анаҩс, уи аҩыза ашьаҿа ҟарҵеи Венесуела, Никарагуа, Шьамтәылатәи Арабтә Республика, убас егьырҭ атәылақәеи.
Ҳаԥсынразы акыр ишәарҭаз агәҭынчымра зцыз 2008 ашықәсазы, Урыстәыла иаднакылаз аҭоурыхтә ӡбамҭа ҳаҭыр ақәаҳҵоит. Уи аус акыр илшарқәа адуп Аҧсны аҩбатәи Ахада Сергеи Уасил-иҧа Багаҧшь. Иара инаԥхгараан Аҧсны исуверенттә тәылоу аҳасабала раҧхьатәи ашьаҿақәа ҟанаҵеит.
Жәларбжьаратәи азхаҵара, ҳтәыла ашәарҭадареи аекономикатә ҿиареи раамҭа иҭанаргылеит. Ҳазынтәык ҳаидгыланы, Ҳаԥсынра ԥшӡа егьырҭ атәылақәа ахьыԥшымра азхарҵарц аус еицаҳуп. Изызҳауа ҳҽар ирзаанҳажьып аԥеиԥш лаша!
Ажәлар зегьы гәыблыла аныҳәа ду шәыдысныҳәалоит, ишәзеиҕьасшьоит аҭынчра, аизҳазыҕьара!
Аҟәа араион ахада Ҷыҭанаа А.З.

Добавить комментарий

Ваш e-mail не будет опубликован. Обязательные поля помечены *