АИААИРЕИ АХЬЫҦШЫМРЕИ АМШ ШӘЫДАҲНЫҲӘАЛОИТ!

By   30.09.2021
28 шықәса раԥхьа, 1993 шықәса цәыббрамза 30 рзы иҟалаз ахҭыс, ҳҭоурых аҿы иналукааша аҵакы ду амоуп. Аҧсны аҵеицәа нагақәа рымчала ихырқәшахеит 413 мшы ицоз аӷа хәымга-ақырҭуа иабашьра.

Аҧсны Аҳәынҭқарра ашьаҭаркҩы Владислав Арӡынба инапхгарала зықьҩыла Аҧсны ахьчаҩцәа гәымшәақәа иаадырҧшит афырхаҵара, дара рыбзоурала иахьа ҳтәыла аҿиара амҩа иануп, ахы иақәиҭуп. 1992-1993 шықәсқәа раан акыр ацхыраара ҳарҭеит Нхыҵ-Кавказтәи ҳашьцәа, Урыстәылантәи, иара убас егьырҭ аҳәынҭқаррақәа рыҟнытә хатәгәаҧхарала иааз, абџьар аанкыланы иҳацеибашьуаз, хьаҵрак ҟазымҵаз ҳадгылаҩцәа ҕьеҩқәа!
Гәык-ҧсыкала иахьатәи амш шәыдаҳныҳәалоит , аветеранцәа, аҧсадгьыл зхы ақәызҵаз ҳҵеицәа ранацәа, рабацәа! Нагӡара ақәзааит ҳажәлар раӡәкреи, ргәымшәареи, рфырхаҵареи ирылҵшәоу Ҳиааира Ду! Ишәзеиҕьаҳшьоит анасыҧ, аманшәалара, аҭынчра!
Аҟәа араион Ахадареи араион Еизара алахәылацәеи рыхьӡала!

Добавить комментарий

Ваш e-mail не будет опубликован. Обязательные поля помечены *